Պեդրոն համաձայնեցրել է պայմանագիրը «Ռոմայի» հետ
Հարձակվողական կիսապաշտպան Պեդրոն կարող է հեռանալ «Չելսիից» մինչև մրցաշրջանի ավարտը:
32-ամյա իսպանացին արդեն պայմանավորվել է «Ռոմայի» հետ պայմանագրի շուրջ և կցանկանար փոխել ակումբը նախանշված ժամկետից առաջ, որպեսզի վստահ լինի, որ գործարքը չի տապալվի:
Պեդրոն համաձայնեցրել է հռոմեացիների հետ 2 + 1 պայմանագիր՝ շաբաթական շուրջ 56 հազար ֆունտ աշխատավարձով:
Պեդրոն 5 մրցաշրջան խաղում է «Չելսիի» կազմում: Նա թիմի հետ նվաճել է չեմպիոնությունն ու Անգլիայի գավաթը, ինչպես նաև Եվրոպա լիգան:
Պրեմիեր լիգայի ընթացիկ մրցաշրջանի 9 հանդիպումներում Պեդրոն խփել է 1 գոլ և կատարել է երկու գոլային փոխանցում։
Սիրարփի Աղաբաբյան
