Ա Սերիայում մրցաշրջանի վերսկսումից հետո խաղեր կլինեն ամեն օր

Մրցաշրջանի վերսկսումից հետո Իտալիայի առաջնության հանդիպումները կանցկացվեն ամեն օր, որպեսզի մրցաշարն ավարտվի մինչև օգոստոսի 2-ը (վերսկսումը նախատեսված է հունիսի 20-ին):

Միևնույն ժամանակ, հեռուստատեսության և ակումբների շահերից ելնելով՝ խաղերը կսկսվեն տարբեր ժամերի:

Երկուշաբթի օրը հանդիպումները կսկսվեն ժամը 21:00-ին, երեքշաբթի, չորեքշաբթի և հինգշաբթի` 19:00-ին և 21:00-ին, հայտնում է Football Italia-ն՝ հղում անելով Corriere dello Sport-ին:

Ամեն ուրբաթ տեղի է ունենալու մեկ խաղ՝ 21:00-ին, իսկ շաբաթ և կիրակի օրերին` երեքը՝ 17:15-ին, 19:30-ին և 21:45-ին:

Սիրարփի Աղաբաբյան