«Վարակված բուժծառայողների թիվն ավելանում է»․ Արսեն Թորոսյան
ՀՀ առողջապահության նախարար Արսեն Թորոսյանն այսօր լրագրողների հետ հանդիպման ժամանակ ասաց, որ վարակված բուժծառայողների թիվն ավելանում է․
«Հիմա կդժվարանամ թիվը նշել, բայց կան և ավելանում են։ Դա ցավալի է, բայց նաև՝ անխուսափելի։ Հետաքրքիր և զավեշտալի դեպքեր կան, որ երբեմն բուժաշխատողները ոչ թե աշխատանքի վայրում են վարակված լինում՝ շփվելով պոտենցիալ վարակակիրներ հետ, այլ՝ իրենց կենցաղային շրջանակներում, որոնք պարզվում են և մեկուսացումներ են տեղի ունենում։
Սա մեր հիմնական խնդիրներից մեկն է։ Մենք պետք է պաշտպանենք բուժաշխատողներին՝ ապագայում նրանց իսկ կողմից ծառայությունների շարունակականությունն ապահովելու համար։ Բացի նրանից, որ նրանք մեր քաղաքացիներն են, չեմ ուզում նսեմացնել ուրիշներին, բայց նրանք մեր ամենակարևոր քաղաքացիներն են»։
