Թուրքիայում կորոնավիրուսի զոհերի թիվը հասել է 59-ի. Թուրքիայի առողջապահության նախարար
Թուրքիայում մարտի 25-ի դրությամբ կորոնավիրուսից մահացածների թիվը հասել է 59-ի: Այս մասին Twitter-ի իր էջում տեղեկացրել է Թուրքիայի առողջապահության նախարար Ֆահրեթթին Քոջան:
Նախարարը տեղեկացրել է նաև, որ վերջին օրվա ընթացքում Թուրքիայում արվել է կորոնավիրուսի 5035 թեստ, որոնցից 561-ը հաստատել է վարակի առկայությունը: Այս ժամանակահատվածում գրանցվել է մահվան 15 դեպք:
Այսպիսով՝ Թուրքիայում կորոնավիրուսով ախտահարման դեպքերի քանակը հասել է 2433-ի:
