Ավտովթար Լոռու մարզում. բախվել են ավտոբուսն ու շտապօգնության Ford-ը. Shamshyan.com
Այսօր՝ փետրվարի 15-ին, ավտովթար է տեղի ունեցել Լոռու մարզում: Ժամը 11:10-ի սահմաններում Վանաձոր քաղաքի Կարեն Դեմիրճյան-Բաթումի փողոցների խաչմերուկում բախվել են Ford մակնիշի 635 OP 61 համարանիշի եւ ПАЗ մակնիշի 34 AV 284 համարանիշի ավտոբուսը: Այս մասին հայտնում է Shamshyan.com կայքը:
Ըստ նախնական տեղեկությունների, բարեբախտաբար զոհեր եւ վիրավորներ չկան:
Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի 1-ին դասակի ծառայողները, փաստի առթիվ նյութեր են նախապատրաստվում:
Ոստիկանությունը պարզում է վարորդների ինքնությունը:
Ֆոտոլրագրողը հայտնում է, որ Ford-ը հաշվառված է Վանաձորի բժշկական կենտրոնի շտապ բուժօգնության հաշվեկշռում, եւ վթարի պահին մեկնում էր կանչի վայր:
Նյութն ամբողջությամբ՝ սկզբնաղբյուր կայքում:
