Հադսոն-Օդոին վարակվել է կորոնավիրուսով, «Չելսին» ինքնամեկուսացվում է
«Չելսին» հայտարարել է, որ կիսապաշտպան Կալում Հադսոն-Օդոիի՝ կորոնավիրուսի թեստը դրական արդյունք է տվել:
Նրանք, ովքեր վերջերս սերտ շփում են ունեցել 19-ամյա անգլիացու հետ, ինքնամեկուսացվելու են: Սա վերաբերում է բոլոր խաղացողներին, մարզչական շտաբին և «Չելսիի» անձնակազմին:
«Ակնկալվում է, որ նրանք, ովքեր սերտ շփում չեն ունեցել Հադսոն-Օդոիի հետ, առաջիկա օրերին կվերադառնան աշխատանքի:
Երկուշաբթի առավոտյան Կալումն ունեցել է մրսածության աննշան ախտանիշներ, և այդ օրվանից, որպես նախազգուշական միջոց, նա չի այցելել մարզումների բազա:
Չնայած թեստի դրական արդյունքին՝ Կալումն իրեն լավ է զգում և անհամբերությամբ սպասում է մարզումներին վերադառնալուն: Մենք նրան մաղթում ենք արագ ապաքինում»,- ասված է լոնդոնյան ակումբի հայտարարության մեջ:
Պատրաստեց Անի Գաբուզյանը
