Աշխարհում կորոնավիրուսով վարակվածների թիվը գերազանցել է 112,4 հազարը
Աշխարհում COVID-19 կորոնավիրուսով վարակվածների ընդհանուր թիվը շարունակում է աճել եւ մարտի 10-ի առավոտվա դրությամբ հասել է 112 հազար 427-ի: Այդ մասին հայտնել է China Morning Post հոնկոգյան թերթը, որը տվյալների էլեկտրոնային հաշվարկ է վարում աշխարհում կորոնավիրուսով վարակվածների, մահացածների ու ապաքինվածների մասին։
Ընդ որում մայրցամաքային Չինաստանին բաժին է ընկնում հիվանդության 80 հազար 754 հաստատված դեպք, նրա սահմաններից դուրս վարակվածների թիվը հասել է 31 հազար 673-ի՝ անցած 24 ժամվա ընթացքում ավելանալով ավելի քան 3,8 հազար դեպքով: Ընդամենն աշխարհում գրանցվել է նոր կորոնավիրուսի հարուցած հիվանդությունից մահվան 3987 դեպք, Չինաստանի մայրցամաքային մասում՝ 3136: Աշխարհում, բացառությամբ Չինաստանի մայրցամաքային մասի, մեկ օրում կորոնավիրուսից մահացել է 854 մարդ:
Մասնավորապես, Իտալիայում գրանցվել է հիվանդանալու 9172 հաստատված դեպք, մահացել է 463 մարդ, Հարավային Կորեայում՝ 7478 (54), Իրանում՝ 6566 (237), Գերմանիայում՝ 1139 (երկու), Ֆրանսիայում՝ 1126 (19), Իսպանիայում՝ 999 (16), Ճապոնիայում՝ 1184 (13): Ընդամենն աշխարհում կորոնավիրուսից ապաքինվել է ավելի քան 63,5 հազար մարդ, հաղորդել է «Ինտերֆաքս»-ը:
