Մբապեն միակ ֆուտբոլիստն է, ում ՊՍԺ-ն բաց չի թողնի ամռանը

ՊՍԺ-ն մտադիր է պահել հարձակվող Կիլիան Մբապեին:

Ըստ Paris United-ի, ակումբը ցանկանում է երկարաձգել պայմանագիրը հարձակվողի հետ և նրան թիմում պահել մինչև 2022 թվականի Աշխարհի գավաթ, որը կանցկացվի Քաթարում: Մբապեի հարցի լուծումը գերակա խնդիր է ՊՍԺ-ի նախագահ Նասեր Ալ-Հելաիֆիի և ակումբի սեփականատերերի համար:

Մբապեն կլինի ՊՍԺ-ի միակ խաղացողը, ով ոչ մի պարագայում չի լքի ակումբը այս ամառ: Ըստ Ալ-Հեալիֆիի, թիմը պետք է կառուցվի Մբապեի շուրջ: Ֆուտբոլիստին համոզելու համար ՊՍԺ-ն նախատեսում է նրան առաջարկել ակումբի պատմության մեջ ամենաբարձր աշխատավարձը:

Դրա չափը կգերազանցի հարձակվող Նեյմարի աշխատավարձը և Մբապեին կդարձնի ՊՍԺ-ի ամենաբարձր վարձատրվող խաղացողը:

Բացի այդ, ակումբը ֆրանսիացուն կառաջարկի բաժանորդային մեծ բոնուս: Հարձակվողի ծնողները դրական են նայում իրադարձությունների նման զարգացմանը: Այնուամենայնիվ, խաղացողը իր ապագայի վերաբերյալ վերջնական որոշում կկայացնի ինքնուրույն, չնայած այն հանգամանքին, որ նա խորհրդակցելու է իր շրջապատի հետ:

Այս մրցաշրջանում Մբապեն խաղացել է Լիգա 1-ի 20 հանդիպումներում, խփել 18 գոլ և կատարել 6 գոլային փոխանցում։

Սիրարփի Աղաբաբյան