Ադրբեջանում կորոնավիրուսով վարակվածների թիվը հասել է վեցի
Ադրբեջանում կորոնավիրուսով վարակվածների թիվը հասել է վեցի: Այդ մասին հայտնել է երկրի կառավարությանն առընթեր օպերատիվ շտաբը, տեղեկացնում է ՌԻԱ Նովոստիին:
Ավելի վաղ Ադրբեջանում գրանցվել էր կորոնավիրուսով վարակման երեք դեպք, վարակվածներից մեկը Ռուսաստանի քաղաքացի է:
«Երեք մարդու մոտ, որոնք վերադարձել են Իրանից, կորոնավիրուս է հայտնաբերվել»,- հայտնում է շտաբը: Նշվում է, որ վարակվածներից մեկը Գերմանիայի քաղաքացի է, երկուսը՝ Ադրբեջանի քաղաքացիներ:
