Նոր Նորքի քրեական հետախույզները բնակարանային և անձնական ունեցվածքի գողություններ են բացահայտել
Մարտի 2-ին, ժամը 5.30-ի սահմաններում, ոստիկանության Նոր Նորքի բաժնի քրեական հետախույզները, ՊՊԾ ծառայողների և բաժնի վետերանների հետ համատեղ, Գայի պողոտայից, գողություն կատարելու կասկածանքով, բերման ենթարկեցին երեք տղամարդու, որոնցից մեկը` Երևանի, երկուսը Զովունի և Նոր Խարբերդ գյուղերի բնակիչներ էին:
Պարզվել է, որ նրանք նախորդ տարվա հոկտեմբեր և այս տարվա հունվար-փետրվար ամիսներին Կոտայքի մարզում ու մայրաքաղաքի տարբեր վարչական շրջաններում կատարել են մի շարք բնակարանային և անձնական ունեցվածքի գողություններ:
Գողությունների փաստով հարուցվել է քրեական գործ:
Հանգամանքները պարզվում են:
Գողոնը մասամբ հայտնաբերվել է:
Կատարվում է նախաքննություն:
