Կենտրոնական բաժնի քրեական հետախույզները բացահայտել են բջջային հեռախոսի գողությունը

Հոկտեմբերի 29-ին ոստիկանության Կենտրոնական բաժնում մի երիտասարդ հաղորդում տվեց, որ «Անգլիական» այգում գողացել են իր թանկարժեք բջջային հեռախոսը։ Բաժնի քրեական հետախուզության բաժանմունքի ծառայողները, իրացնելով ստացված օպերատիվ տվյալները, պարզել են գողությունը կատարած անձի ինքնությունը։ Մասիսի բնակիչ, 28-ամյա երիտասարդը բերման է ենթարկվել ոստիկանության Կենտրոնական բաժին ու խոստովանական բացատրություն տվել։ Ձեռնարկվում են միջոցառումներ գողոնը հայտնաբերելու ուղղությամբ։ Նախապատրաստվում են նյութեր։