Հեղափոխություն իրականացնելու համար Անի Զախարյանը հավաքել է 11 ստորագրություն
«Նոր քաղաքական մշակույթ» կուսակցության ղեկավար Անի Զախարյանն այսօր կրկին Կառավարության շենքի մոտ էր, այս անգամ նա եկել էր, որպեսզի հանդիպեր ՀՀ վարչապետ Նիկոլ Փաշինյանին՝ պահանջելով, որ վարչապետը քրեաիրավական գնահատական տա տարբեր կուսակցությունների կողմից տարբեր հեռուստաընկերությունների հովանավորչությանը։
«Ես լրագրողների դեմ ոչինչ չունեմ, բայց օրենքով հստակ սահմանված է, որ կուսակցությունների կողմից լրատվամիջոցներին հովանավորելն արգելված է»,- նշեց նա։
Ինչ վերաբերում է իր հայտարարած ստորագրությանը, որով պատրաստվում է Հայաստանում իրականացնել հեղափոխություն, Անի Զախարյանը տեղեկացրեց, որ հավաքել է 11 ստորագրություն։ Նա նաև ակնկալում է, որ լուրջ հեռուստահաղորդումներին իրեն կհրավիրեն, որպեսզի ներկայացնի իր հեղափոխական հռչակագիրը։
Մանրամասները՝ 168.am-ի տեսանյութում
Զվարթ Խաչատրյան
