Վերածննդի դարաշրջանի՝ Ֆրանսիայում գտնված գլուխգործոցն աճուրդում վաճառվել է 24 մլն եվրոյով
Վաղ Վերածննդի դարաշրջանի ֆլորենցիացի վարպետ Չիմաբուեի կտավը, որը գտել են Ֆրանսիայի հյուսիսում ապրող 90-ամյա կնոջ տանը, աճուրդով վաճառվել է 24 մլն եվրոյով: Այդ մասին հայտնել է Parisien թերթը:
Կոմպիենի աճուրդների տանը հունիսին դիմել էին 90-ամյա կնոջ տան «աղբը մաքրելու» խնդրանքով: Նրա աշխատակիցները ստեղծագործությունը գտել են խոհանոցի եւ հյուրասենյակի միջեւ ընկած պատին: Նրանք նկարի փորձաքննության համար դիմել են «Տուրկեն» գնահատման բյուրոյին, որտեղ եւ պարզվել է, որ կտավը պատկանում է հայտնի նկարիչ Չիմաբուեյի վրձնին:
