Ռուսաստանից զինվորական պատվիրակություն կայցելի Թուրքիա
Ռուսաստանի զինվորական պատվիրակությունը կժամանի Թուրքիա՝ քննարկելու Սիրիայի իրադրությունը: Այդ մասին, ինչպես հաղորդել է ՏԱՍՍ-ը, հոկտեմբերի 28-ին հայտնել է Թուրքիայի արտաքին գործերի նախարար Մեւլյութ Չավուշօղլուն։
«Եթե «Ժողովրդական ինքնապաշտպանության ուժեր» (ԺԻՈւ) (քրդական կազմավորումները) դուրս չգան անվտանգության գոտուց, ապա մենք նրանցից կմաքրենք այդ տարածքները: Այժմ չի կարելի ասել, որ ԺԻՈւ-ի բոլոր զինյալները հեռացել են այդ տարածքներից: Մեզ մոտ ՌԴ-ից պատվիրակություն կժամանի` քննարկելու այն քայլերը, որոնք անհրաժեշտ է ձեռնարկել (Սիրիայի հյուսիս-արեւելքում) պլանավորված համատեղ պարեկության շրջանակում»,-ընդգծել է նախարարը:
