«Մբապեն պետք է հեռանա ՊՍԺ-ից, որպեսզի ապացուցի, որ ինքն է Մեսսիի և Ռոնալդուի ժառանգը»․ Ռիվալդո
«Բարսելոնայի» նախկին կիսապաշտպան Ռիվալդոն խոսել է ՊՍԺ-ի հարձակվող Կիլիան Մբապեի մասին:
«Կասկած չկա, որ Մբապեն ունի հատկություններ աշխարհում լավագույններից մեկը դառնալու համար: Նա հիանալի ֆուտբոլ է խաղում և մեծ ներուժ ունի:
Նա կկարողանա զարգացնել իր տաղանդը՝ խաղալով Լա Լիգայում կամ Պրեմիեր լիգայում: Լիգա 1-ի մակարդակը ակնհայտորեն ցածր է Իսպանիայի կամ Անգլիայի մակարդակից:
Հարգելով ՊՍԺ-ին, ես հավատում եմ, որ ապագայում նա պետք է մեկնի իսպանական կամ անգլիական ակումբ, որպեսզի հաստատի, որ ինքն է Մեսսիի կամ Ռոնալդուի ժառանգը: Լավագույն խաղացողները պետք է խաղան լավագույն լիգաներում:
Բայց ես կարծում եմ, որ «Բարսելոնայի» համար դժվար կլինի հետագայում նրան ստորագրել, քանի որ նա շատ թանկ է իր տարիքի համեմատ՝ աշխարհի չեմպիոնի կարգավիճակով և բնատուր տաղանդով, ինչը նրան դարձնում է աշխարհի ամենահեռանկարային ֆուտբոլիստներից մեկը:
Եթե «Բարսելոնան» այդքան խնդիրներ ուներ Նեյմարին ստորագրելու հարցում, ապա պատկերացրեք, թե որքան է ՊՍԺ-ն պահանջելու Մբապեի տրանսֆերի համար, ուստի այս պահին նրան անհնար է տեղափոխել «Բարսելոնա»,- ասել է Ռիվալդոն:
Սիրարփի Աղաբաբյան
