Կանադայում ինքնաթիռն ընկել է լիճը
Կանադայում երեք մարդ է անհետ կորել այն բանից հետո, երբ ինքնաթիռը լիճն է ընկել Մանիտոբի նահանգում: Այդ մասին հայտնել է CTV հեռուստաալիքը:
Միջադեպը տեղի է ունեցել տարածաշրջանի մայրաքաղաք Վիննիպեգից մոտավորապես 280 կմ հյուսիս-արեւելք ընկած շրջանում: Ականատեսների վկայությամբ՝ ինքնաթիռը դիպել է ծառին, ինչից հետո ընկել է ջուրը: Օդանավում եղել է երեք մարդ:
Փրկարարներն արդեն հայտնաբերել են աղետյալ ինքնաթիռի բեկորները: Դրանում եղած մարդկանց որոնում են, հաղորդել է ՏԱՍՍ-ը:
