«Ռազմական ոստիկանությունն ինտենսիվ աշխատում է և կապի մեջ է ընտանիքի հետ». Արծրուն Հովհաննիսյանը՝ զորամասը լքած զինծառայողի մասին
Shamshyan.com-ի հաղորդմամբ, Կապան քաղաքում տեղակայված ՀՀ ՊՆ զորամասից արդեն 5 օր է, ինչ ժամկետային զինծառայողը լքել է զորամասը և նրանից որևէ լուր չկա: Այս մասին լրատվամիջոցին հայտնել է զինծառայողի ազգականը:
168.am-ի հետ զրույցում ՀՀ ՊՆ մամուլի քարտուղար Արծրուն Հովհաննիսյանն ասաց. «Իրավապահ մարմինները զբաղվում են: Զինծառայողի ընտանիքի հետ ՌՈ աշխատակիցները մշտական կապի մեջ են: Այսինքն՝ ինտենսիվ աշխատանք է գնում և պատկան մարմինը օր ու գիշեր այս խնդրով զբաղվում է»:
Մարիամ Պետրոսյան
