Բախվել են «Krone» մակնիշի բեռնատարը և «Daewoo» մակնիշի ավտոմեքենան. բեռնատարից տեղի է ունեցել վառելիքի արտահոսք
Հոկտեմբերի 22-ին, ժամը 12:11-ին «911» ծառայություն տեղեկություն է հաղորդվել, որ Սյունիքի մարզի Մեղրի քաղաքի Ադելյան և Զորավար Անդրանիկի փողոցների խաչմերուկում տեղի է ունեցել ՃՏՊ, առկա է վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Krone» մակնիշի բեռնատարը և «Daewoo» մակնիշի ավտոմեքենան. բեռնատարից տեղի է ունեցել վառելիքի արտահոսք:
Փրկարարներն իրականացրել են ճանապարհի լվացման աշխատանքներ:
