«Արտակ Զեյնալյանն ինչպե՞ս ընտրվեց նախարար, պատգամավոր էր». Գագիկ Ծառուկյան
«Յուրաքանչյուրն իր համար կարող է ձևակերպումներ անել, հիմա, եթե Արսեն Բաբայանի ձերբակալությունն անհիմն է, ապա պետք է պատասխան տան: Կյանքը շարունակվում է, և մարդիկ լիարժեք գիտակցելով ու հասկանալով՝ իրենց լիազորությունները ճիշտ օգտագործեն, եթե հանցակազմ կա, հասկացանք, բայց եթե չկա, ապա դա ներկայացնողը պատասխան է տալու»,- այսօր Ազգային ժողովում լրագրողների հետ զրույցում ասաց ԲՀԿ խմբակցության ղեկավար Գագիկ Ծառուկյանը՝ անդրադառնալով ԱԺ աշխատակազմի նախկին ղեկավար Արսեն Բաբայանի ձերբակալությանը:
Ըստ նրա՝ իրավական առումով կարծես թե նույնն է, ինչպես Նիկոլ Փաշինյանը պատգամավոր լինելով՝ դարձավ վարչապետ, Արարատ Միրզոյանը՝ փոխվարչապետ:
Հարցին՝ շտապողականությո՞ւն եք տեսնում այդ գործընթացում, Գագիկ Ծառուկյանը պատասխանեց, որ շտապողականություն տեսնում է նաև հեղափոխությունից հետո, այս կազմի մեջ:
«Չպետք է մոռանանք, որ 5-6 դեպք կա, որ մարդիկ պատգամավոր եղած ժամանակ նույն սկզբունքով ընտրվել են, հիմա ուզում եմ հասկանալ, թե Արդարադատության նախարարն ինչպե՞ս է ընտրվել, Զեյնալանն ինչպե՞ս ընտրվեց, պատգամավոր էր»,- շեշտեց նա:
Զվարթ Խաչատրյան
