Մեծ Բրիտանիայում 21 երեխաների մայրը կրկին հղիացել է
Մեծ Բրիտանիայի ամենամեծ ընտանիքի մայրը՝ Սյու Ռեդֆորդը, հղիացել է քսաներկուերորդ անգամ: Այդ մասին նա պատմել է իր You-Tube-ալիքում:
Կինը բաժանորդներին ցույց է տվել ուլտրաձայնային հետազոտությունը: 44-ամյա բրիտանուհու խոսքով՝ այժմ ինքը հղիության 15-րդ շաբաթում է:
Սյուն անհամբերությամբ է սպասում, թե երբ է իմանալու փոքրիկի սեռը: Նա խոստովանել է, որ տղա երեխա է ցանկանում: Այդ դեպքում նա յուրաքանչյուր սեռից տասնմեկական երեխա կունենա:
Ուշագրավ է, որ անցյալ տարի քսանմեկ երեխաների մայրը պնդում էր, որ այլեւս երեխաներ չի ունենալու, հաղորդել է ՌԻԱ Նովոստին:
