Ազարն ընտանեկան պատճառներով չի հայտավորվել «Ռեալ»-ի խաղին
Բելգիայի ֆուտբոլի ազգային թիմի հարձակվող Էդեն Ազարը դուրս է մնացել «Ռեալ»-ի հայտացուցակից:
«Արքայական ակումբը» հրապարակել է իսպանական Լա լիգայի 9-րդ տուրի «Մալյորկա»-ի դեմ խաղի հայտացուցակը: Ազարը չի հայտավորվել, քանի որ օրեր առաջ լույս աշխարհ է եկել բելգիացի ֆուտբոլիստի 4-րդ զավակը:
Այս պահի դրությամբ իսպանական Լա Լիգայի առաջատարը «Ռեալ»-ն է, որն ունի 18 միավոր: 16 միավորով երկրորդ տեղում «Բարսելոնա»-ն է:
