Հոսպիտալացվել է Թաիլանդի Սիրինդոն արքայադուստրը. Bangkok Post
Թաիլանդի Մահա Չակրի Սիրինդոն արքայադուստրը Չուպալոնգկոռն հիվանդանոց է տեղափոխվել վարակից եւ աղեստամոքսային տրակտի բորբոքումից բուժվելու համար: Այդ մասին հայտնել է Bangkok Post թերթը:
Թագավորական պալատի տվյալներով՝ արքայադուստրը տառապում էր փորացավից ու տենդից, բժիշկները նրան խորհուրդ են տվել տեղափոխվել հիվանդանոց:
Բուժհաստատությունում Սիրինդոնի մոտ ախտորոշել են վարակ եւ հաստ աղու բորբոքում ու հակաբիոտիկներ են նշանակել նրան: Բժիշկները Ռամա 10-րդ թագավորի քրոջը հանձնարարել են մնալ հիվանդանոցում եւ բուժընթաց անցնել, հաղորդել է ՏԱՍՍ-ը:
