Ֆատին խառնում է Նեյմարի պլանները
«Բարսելոնան» կարող է հրաժարվել ՊՍԺ-ի հարձակվող Նեյմարի ձեռքբերման գաղափարից, հայտնում է Mundo Deportivo-ն:
Ըստ աղբյուրի՝ ակումբի ղեկավարությունը տպավորված էր 16-ամյա կիսապաշտպան Անսումանե Ֆատիի խաղով, ով իրեն հիանալի է դրսևորում հարձակման ձախ եզրում: Եթե Նեյմարը տեղափոխվի «Բարսելոնա», ապա Ֆատին կդադարի կանոնավոր կերպով խաղալ թիմի մեկնարկային կազմում: Չնայած այն բանին, որ Ֆատին դեռ շատ երիտասարդ է, ակումբը դա չի ցանկանում:
Հաղորդվում է, որ «Բարսելոնայի» ղեկավարության համար առաջնայինն ինն համարի ձեռքբերումն է ՝ հարձակվող Լուիս Սուարեսին փոխարինելու համար: Ակումբը պատրաստ է տպավորիչ գումար ներդնել այս խնդրի լուծման գործում:
Բացի այդ, «Բարսելոնան» անհանգստացած է Նեյմարի վնասվածքների քանակից: Նա բաց թողեց մրցաշրջանի մեկնարկը վնասվածքի պատճառով, ապա շատ վառ խաղաց ՝ ՊՍԺ-ի համար Լիգա 1-ի 5 խաղում 4 գոլ խփելով: Սակայն Բրազիլիայի հավաքականի կազմում ընկերական խաղում Նեյմարը ազդրի վնասվածք է ստացել և դրա պատճառով կբացակայի մոտ մեկ ամիս:
Վերջապես, Նեյմարի տեղափոխվելու որոշման վրա կարող է ազդել այն փաստը, որ 2021 թվականին ընտրություններ կանցկացվեն նոր տնօրենների խորհրդի համար: Հավանաբար, ներկայիս ղեկավարությունը չի ցանկանա ստորագրել Նեյմարին հաջորդ ամառ՝ ընտրություններից մեկ տարի առաջ, որպեսզի խուսափի երկրպագուների քննադատությունից:
Ամառային տրանսֆերային պատուհանում «Բարսելոնան» ցանկանում էր ձեռք բերել Նեյմարին, բայց գործարքի պայմանների շուրջ չկարողացավ համաձայնեցնել ՊՍԺ-ի հետ: Հաղորդվում էր նաև, որ խաղացողի համար հավակնորդներից է նաև Մադրիդի «Ռեալը»:
Սիրարփի Աղաբաբյան
