«Ռոնալդուն ամռանը առաջարկում էր միանալ «Յուվենթուսին»». Ռակիտիչ
Խորվաթական 24sata լրատվական գործակալությանը տված հարցազրույցում «Բարսելոնայի» կիսապաշտպան Իվան Ռակիտիչն ասել է, որ ամռանը «Յուվենթուսի» հարձակվող Կրիշտիանու Ռոնալդուն հրավիրել է նրան միանալ թուրինյան ակումբին։
«Այս ամառ Ռոնալդուն անձամբ ինձ զանգահարեց և առաջարկեց միանալ «Յուվենթուսին»: «Բարսելոնան» ինձ համար պահանջեց 50 միլիոն եվրո, որպեսզի գործարքը չկայանա»,- պատմել է խորվաթ ֆուտբոլիստը։
Տրանսֆերը ձախողվելուց հետո Ռակիտիչը բազային խաղացողից վերածվեց «հավերժական փոխարինողի»: Խորվաթին դուր չի գալիս խաղային պրակտիկայի պակասը, և միանգամայն հնարավոր է, որ ձմռանը նա լքի կատալոնական ակումբը: «Ինտերը» և «Մանչեսթեր Յունայթեդը» առաջարկ են պատրաստում Ռակիտիչի համար։
Սիրարփի Աղաբաբյան
