Նոյեմբերյանի ոստիկանները հայտնաբերել են 51 խմ ապօրինի տախտակ

Օրերս ոստիկանության Նոյեմբերյանի բաժնի քրեական հետախույզները, իրացնելով ստացված օպերատիվ տվյալները, Կողբում ապրող մի տղամարդու տան բակում հայտնաբերել են 51խմ տախտակներ, որոնք պատրաստվել են սոճիից։ Տանտերը դրանց ձեռքբերման աղբյուրի վերաբերյալ որևէ տեղեկություն չի հայտնել և չի ներկայացրել օրինականությունը հաստատող որևէ փաստաթուղթ։ Նշանակվել է մասնագիտական ստուգում: Ակնհայտ հանցավոր ճանապարհով գույք ձեռք բերելու փաստով ոստիկանության Նոյեմբերյանի բաժնում նյութեր են նախապատրաստվում։