Թալիբներն առանց լույսի են թողել մայրաքաղաք Քաբուլը
«Թալիբան» արմատական շարժման զինյալները էլեկտրահաղորդման գծերի հենասյուն են պայթեցրել Աֆղանստանի արեւելքի Փարվանի նահանգում, ինչը էլեկտրականության անջատման է հանգեցրել երկրի մայրաքաղաք Քաբուլում: Այդ մասին հայտնել է «Սինհուա» գործակալությունը՝ հղում անելով տեղի ոստիկանության ներկայացուցչին:
«Չորեքշաբթի առավոտյան «Թալիբան»-ի զինյալները էլեկտրահաղորդման գծերի հենասյուն են պայթեցրել Փարվանի նահանգի Սալանգ գավառում՝ Քաբուլից մոտավորապես 70 կիլոմետր հյուսիս ընկած շրջանում՝ այդպիսով մթության մեջ թողնելով մայրաքաղաքը»,-հայտնել է աղբյուրը:
Գործակալությունը նշում է, որ Քաբուլում էլեկտրամատակարարման վերականգնման աշխատանքներն արդեն սկսվել են, հաղորդել է ՏԱՍՍ-ը:
