Թուրքիայի պաշտպանության նախարարության հայտարարությունը՝ ռազմական օպերացիային ընդառաջ
Սիրիայի հյուսիսում ձեռնարկվելիք նոր ռազմական օպերացիային ընդառաջ Թուրքիայի պաշտպանության նախարարությունը գրառումով է հանդես եկել Twiitter միկրոբլոգի պաշտոնական էջում:
Այս մասին տեղեկացնում ermenihaber.am-ը:
Սիրիայի զինյալ քրդերին ահաբեկիչներ հռչակող գրառման մեջ նշվում է, որ թուրքական բանակը պատրաստ է պայքարել ահաբեկչական սպառնալիքների ու վտանգների դեմ:
Թուրքիայի պաշտպանական գերատեսչությունը տարածաշրջանի կայունության համար անհրաժեշտ է համարում անվտանգության գոտու և խաղաղության միջանցքի հիմնումը:
«Մեր սահմանների մոտ ահաբեկչական միջանցքի ձևավորումը մենք երբեք չենք հանդուրժելու: Օպերացիայի համար բոլոր նախապատրաստական աշխատանքներն արդեն ավարտել ենք»,- ասված է գրառման մեջ:
