Ինչպե՞ս է Վլադիմիր Պուտինը արձագանքել Երևանում վրացի լրագրողի հարցին
Հոկտեմբերի 1-ին ՌԴ նախագահ Վլադիմիր Պուտինը Երևանում մասնակցեց Եվրասիական տնտեսական բարձրագույն խորհրդի նիստին, իսկ «Կոմերսանտ»-ի հատուկ թղթակից Անդրեյ Կոլեսնիկովը փորձել է պարզել, թե ինչ է պատասխանել Վլադիմիր Պուտինը վրացական «Ռուսթավի-2» հեռուստաալիքի լրագրողի հարցին, որը նա գրեթե բղավել է Ռուսաստանի նախագահի դեմքին:
ԵՏՄ բարձրագույն խորհրդի նիստի ժամանակ անվտանգության պատնեշը ճեղքած վրացի լրագրող Մարիամ Մենաբդեն ՌԴ նախագահ Վլադիմիր Պուտինին հարցրել է, թե երբ Ռուսաստանը կսկսի կատարել իր խոստումները և դուրս կգա օկուպացված տարածքներից:
Ինչպես հաղորդում է «Կոմերսանտ»-ի հատուկ թղթակիցը, Վլադիմիր Պուտինը սկզբում չի արձագանքել և շարունակել է բարձրանալ, բայց հետո, երբ լրագրողը շարունակել է ինչ-որ բան ասել, նա շրջվել է և պատասխանել է: Ինչպես լրագրողը լսել է, Վ. Պուտինն ասել է. «Երբ խեցգետինները սուլեն լեռան վրա»:
