Տղամարդը ավտոմեքենաներից մարտկոց էր գողացել
Սեպտեմբերի 27-ին, ժամը 12-ի սահմաններում, ոստիկանության Շենգավիթի բաժնի քրեական հետախույզները, օպերատիվ տվյալներն իրացնելով, գողություն կատարելու կասկածանքով, բերման են ենթարկել Ներքին Շենգավիթի 14-րդ փողոցի 45-ամյա մի բնակչի:
Պարզվել է, որ նա սեպտեմբերի 19-ին գողացել էր Այվազովսկու փողոցում կայանված «ՎԱԶ-2106» մակնիշի մեքենայի մարտկոցը: Տղամարդը խոստովանական բացատրությամբ հայտնել է նաև, որ սեպտեմբերի 14-ին գողացել է Արշակունյաց պողոտայում կայանված մեկ այլ «ՎԱԶ-2106»-ի մարտկոցը։
Ձեռնարկվում են միջոցառումներ գողոնը հայտնաբերելու ուղղությամբ։
Նշված դեպքերով նախապատրաստվում են նյութեր:
