Հրդեհ՝ «Գաջեգործ» ՓԲԸ-ին պատկանող վագոն-տնակում. մեկնել է մեկ մարտական հաշվարկ
Օգոստոսի 26-ին, ժամը 15:44-ին «911» ծառայությանն ահազանգ է ստացվել, որ Երևան քաղաքի Գաջի գործարանից դեպի Կենտրոնական գերեզմանատուն տանող ավտոճանապարհին այրվում է խոտածածկ տարածք:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ հրդեհը բռնկվել է Գաջեգործների փողոցի թիվ 74 հասցեում գտնվող «Գաջեգործ» ՓԲԸ-ին պատկանող վագոն-տնակում:
Հրդեհը մեկուսացվել է ժամը 16:12-ին, մարվել՝ 16:30-ին:
Վագոն-տնակի փայտյա կառուցատարրերը (մոտ 12 քմ) ամբողջությամբ այրվել են:
