Հակառակորդը Նախիջևանից կրակել է Ելփին գյուղի ուղղությամբ. tert.am
Այս գիշեր հակառակորդը Նախիջևանից կրակել է Վայոց Ձորի մարզի Ելփին գյուղի ուղղությամբ: Այս մասին լուրը Tert.am-ի հետ զրույցում հաստատեց պաշտպանության նախարարի մամուլի խոսնակ Արծրուն Հովհաննիսյանը:
«Եղել են գյուղի ուղղությամբ կրակոցներ` ոչ մեծ տրամաչափով և ոչ մեծ ինտենսիվությամբ: Փոխհրաձգություն է եղել, հայկական կողմը պատասխանել է: Փամփուշտներից մեկը, ինչպես ես հետո տեղեկացա,ընկել է Ելփին գյուղի բնակիչներից մեկի կտուրին»,- ասաց նա:
