«Գազի գնից որևէ նորություն չկա». Բաղրամյան
Գազի գնի շուրջ բանակցությունները դեռևս շարունակվում են և որևէ նորություն չկա: Այս մասին այսօր կառավարության նիստից հետո լրագրողների հետ զրույցում հայտարարեց Հանրային ծառայությունները կարգավորող հանձնաժողովի նախագահ Գարեգին Բաղրամյանը:
Ըստ նրա՝ եթե Ռուսաստանում ներքին սպառողների համար գազի թանկացումը տարածվի նաև սահմանին գազի գնի վրա, ապա Հայաստանում էլ այն կթանկանա:
««Գազպրոմ Արմենիա» ընկերությունն իր ներքին հնարավորությունների հաշվին է այս պահին փոխհատուցում այդ բարձրացումը, պետությունը որևէ պարտք չի կուտակում»,- հավաստիացրեց Գ.Բաղրամյանը:
