Էմերսոնը պատմել է, թե որն է եղել Ազարի վերջին հաղորդագրությունը «Չելսիի» չատում
«Չելսիի» պաշտպան Էմերսոնը պատմել է, թե ինչպես է «Ռեալ» տեղափոխվելուց առաջ Էդեն Ազարը հեռացել WhatsApp-ում թիմի ընդհանուր չատից:
«Ազարի վերջին ժեստը նրա հրաժեշտն էր WhatsApp-ի խմբում: Դա տարօրինակ էր: Նա մեզ հաղորդագրություն էր ուղարկել, որում ասվում էր. «Շնորհակալություն, տղաներ, սիրում եմ ձեզ», իսկ այնուհետև էկրանին հայտնվեց՝ «Էդեն Ազարը լքել է ընդհանուր չատը»: Այդ ժամանակ ես մտածեցի՝ «Գրողը տանի, նա իսկապես գնում է»,- ESPN-ին է պատմել Էմերսոնը:
Պատրաստեց Անի Գաբուզյանը
