Թուրքական ավիաուղիների ինքնաթիռներում «Ակօս» շաբաթաթերթն այլևս չի լինի
Թուրքական ավիաուղիները Ստամբուլի օդանավակայանի միջազգային թռիչքների բաժնում երկար ժամանակ է, ինչ թուրքական թերթերի հետ միասին ուղևորներին անվճար բաժանում էին նաև հայկական «Ակօս» շաբաթաթերթը: Սակայն նախորդ շաբաթ ընդունած որոշմամբ` թուրքական ավիաուղիների ղեկավարությունը միակողմանիորեն խզել է «Ակօս» շաբաթաթերթի հետ կնքած պայմանագիրը:
Այս մասին տեղեկացնում ermenihaber.am-ը:
Գրության մեջ որպես հիմնավորում միայն նշվում է, որ որոշումը ընդունվել է «անհրաժեշտությունից ելնելով»:
Հարկ է նշել, որ թուրքական ավիաուղիների միջազգային թռիչքներ կատարող ինքնաթիռների թերթերի բաժնում «Ագոսի» թերթերը դրվում էին դեռևս 2013թ-ից:
