Մահացել է ջազի երգիչ Լեոն Ռեդբոունը
Կանադայում կյանքի 70-րդ տարում վախճանվել է ջազային երաժիշտ Դիկրան Գոբալյանը, որը հայտնի է Լեոն Ռեդբոուն կեղծանվամբ: Այդ մասին հայտնել է Variety հրատարակությունը՝ վկայակոչելով արտիստի ընտանիքին:
Արտիստը մահացել է հինգշաբթի օրը՝ մայիսի 30-ին: Մահվան պատճառը չի նշվում: Նա ճանոթ է եղել Բոբ Դիլանի հետ, որին հիացրել է Ռեդբոունի կատարման ոճը: Հենց Դիլանն է Rolling Stone հանդեսին խորհուրդ տվել ուշադրություն դարձնել Ռեդբոունի վրա այն բանից մեկ տարի առաջ, երբ նա ստորագրեց իր առաջին պարտավորագիրը: Ընդամենն իր երաժշտական կարիերայի ընթացքում կատարողը թողարկել է 15 ալբոմ, որոնցից առաջինը կոչվում էր On the Track (1975 թ.):
