Նեյմարը Բրազիլիայի ազգային հավաքականում զրկվել է ավագի թևկապից
Բրազիլիայի ազգային հավաքականը փոխել է ավագին:
ՊՍԺ-ի առաջատար Նեյմարը զրկվել է ավագի թևկապից, որը ստացել էր գրեթե մեկ տարի առաջ:
Բրազիլիայի գլխավոր մարզիչ Տիտեն որոշել է նշանակել Դանի Ալվեսին՝ որպես նոր ավագ: Նա Ամերիկայի գավաթի խաղարկության ժամանակ, ինչպես նաև հաջորդ ընկերական հանդիպումներում, կլինի թիմի ավագը:
Բրազիլական լրատվամիջոցները գրում են, որ Տիտեն որոշել է զրկել Նեյմարին ավագի թևկապից այն բանից հետո, երբ նա Ֆրանսիայի գավաթում «Ռենին» պարտվելուց հետո հարվածել էր երկրպագուին:
Սիրարփի Աղաբաբյան
