Ռումինիայի իշխող կուսակցության ղեկավարը ձերբակալվել է
Ռումինիայի իշխող Սոցիալ-դեմոկրատական կուսակցության ղեկավար Լիվիու Դարգնեան ձերբակալվել է՝ կոռուպցիայի համար դատավճիռը բողոքարկելու փորձը ձախողելուց հետո: Այս մասին տեղեկացնում է BBC-ն:
Ռումինիայի Գերագույն դատարանը Դրագնեային դատապարտել է 3 ու կես տարվա ազատազրկման: Որոշումը կայացվել է այն բանից հետո, երբ իր կուսակցությունը մեծ կորուստներ է ունեցել Եվրոպական ընտրություններում:
Մեղադրող կողմի պնդմամբ՝ նա, որպես կառավարության պաշտոնյա, օգտագործելով իր ազդեցությունը, իր կուսակցության համար աշխատող երկու կանանց համար գրանցել է կեղծ աշխատատեղեր երեխաների պաշտպանության գործակալությունում:
