Իրանի ԱԳ փոխնախարարը շրջագայություն է սկսել Պարսից ծոցի երկրներում
Իրանի արտաքին գործերի նախարարի քաղաքական հարցերով տեղակալ Աբաս Արաքչին Օմանի սուլթանություն է այցելել ԱՄՆ-ի հետ հարաբերությունների սրման ֆոնին տարածաշրջանի երկրներ շրջագայության շրջանակում, որի ընթացքում նա մտադիր է այցելել նաեւ Կատար եւ Քուվեյթ: Այդ մասին հայտնել է Օմանի ԱԳ նախարարությունը Twitter սոցիալական ցանցում:
Ավելի վաղ Իրաքի վարչապետին մոտ կանգնած աղբյուրը ՌԻԱ Նովոստիին հայտնել է, որ վեց երկիր, ներառյալ Իրաքը, Օմանը եւ Կատարը, որպես միջնորդներ են հանդես գալիս ԱՄՆ-ի եւ Իրանի միջեւ հակամարտության կարգավորման գործում:
Ինչպես նշել է արտաքին քաղաքական գերատեսչությունը, Արաքչին բանակցություններ է վարել նախարար Յուսեֆ բեն Ալյավիի հետ, որոնց ընթացքում նրանք քննարկել են «երկկողմ համագործակցությունը, տարածաշրջանի խնդիրները եւ այնտեղ իրադրության զարգացումը»:
