Բոսթոն քաղաքի հիվանդանոցում միաժամանակ հղիացել են 14 բուժքույրեր
ԱՄՆ-ի Բոսթոն քաղաքում (Մասաչուսեթսի նահանգ) միաժամանակ հղիացել են հիվանդանոցի ուռուցքաբանության բաժանմունքի 14 բուժքույրեր: Այդ մասին Massachusetts General Hospital-ի ներկայացուցիչները հայտնել են Twitter-ի պաշտոնական օգտահաշվում: Լուսանկարում, որը զետեղվել է մայիսի 21-ին, 14 կանայք համազգեստով կանգնած են կիսաշրջանաձեւ, ժպտում են՝ ձեռքերը դրած փորին:
«Մայրիկնե՛րը: Ուռուցքաբանության բաժանմունքի ընտանիքը մեծանում է: Միանգամից 14 հղի բուժքույրեր, որոնցից մեկն սպասում է երկվորյակների: Այս աշխատակցուհիները ձեզ 15 պատճառ են տալիս ժպտալու համար»,-գրել են հիվանդանոցի աշխատողները: Ապրիլի վերջին հաղորդվել էր, որ ԱՄՆ-ի Նեբրասկայի նահանգում անհետաձգելի օգնության միաժամանակ 19 աշխատակիցներ սպասում են երեխայի լույս աշխարհ գալուն: Ենթադրվում է, որ երեխաները կծնվեն ամռանը:
