Վրաստանի պաշտպանության նախարարը ողջունել է երկրում ամերիկյան ռազմակայանների տեղակայումը
Վրաստանի պաշտպանության նախարար Լեւան Իզորիան հայտարարել է, որ Վրաստանն աննախադեպ եւ համապարփակ համագործակցություն ունի Ամերիկայի Միացյալ Նահանգների հետ, հատկապես ռազմական որլորտում: Տեղեկատվությունը տարածել է «Ամերիկայի ձայնը»:
Ռադիոկայանը հիշեցնում է, որ մի քանի շաբաթ առաջ Վրաստանի նախագահ Սալոմե Զուրաբիշվիլին «Ամերիկայի ձայնի» լրագրող Իեյ Մեուրմիշվիլիի հետ կայացած հարցազրույցում հայտարարել էր, որ «ինքը հանձնարարելի չի համարում» ամերիկյան ռազմակայանների կառուցումը Վրաստանում:
Պաշտպանության նախարարը ձեռնպահ է մնացել նախագահի դիրքորոշման գնահատումից եւ նշել է, որ հեռանկարում ինքը միայն ողջունում է ամերիկյան ռազմակայանների գոյությունը Վրաստանում:
Պաշտպանության նախարարի խոսքով՝ տարեվերջին Վրաստանի եւ ԱՄՆ-ի միջեւ կստորագրվի եռամյա շրջանակային համաձայնագիր, որն էլ ավելի կխորացնի ռազմական համագործակցությունը, հաղորդել է «Գրուզիա Online»-ը:
