Այսուհետ լիցենզավորվող բոլոր բժշկական հիմնարկները կստուգվեն
Այսուհետ լիցենզավորվող բոլոր բժշկական հիմնարկները կստուգվեն: Այս մասին այսօր ԱԺ ֆինանսավարկային և բյուջետային հարցերի մշտական հանձնաժողովում հայտարարեց առողջապահության փոխնախարար Հովհաննես Հարությունյանը՝ Հաշվեքննիչ պալատի ուսումնասիրության եզրակացության քննարկման ժամանակ:
Ըստ նրա՝ դեռ 2014 թ. ստուգումների համար սահմանվել է ընտրանքային եղանակը և ստուգվել է լիցենզավորվողների միայն 20%-ը:
«Անթույլատրելի է ընտրողական ստուգումը»,- ասաց փոխնախարարը:
Հաշվեքննիչ պալատը, հիշեցնենք, ուսումնասիրության արդյունքում պարզել է, որ նժշկական օգնության և սպասարկման գործունեության լիցենզավորման իրականացման նպատակային արդյունավետության սկզբունքը խախտվել է:
