«Ռեալն» ակումբի պատմության 2-րդ վատագույն արդյունքն է գրանցել

Իսպանիայի առաջնության 38-րդ տուրում Մադրիդի «Ռեալը» պարտություն է կրել «Բետիսից» (0:2): Սա Լա լիգայի վերջին տուրի հանդիպումն էր:

Այս մրցաշրջանում մադրիդյան ակումբը բոլոր մրցաշարերում 18 պարտություն է կրել` կրկնելով պատմության մեջ երկրորդ վատագույն արդյունքը: Վերջին անգամ դա տեղի է ունեցել 1994/95 մրցաշրջանում:

1984/85 մրցաշրջանում գրանցվել է ակումբի հակառեկորդը՝ 19 պարտություն՝ մեկ խաղային տարում:

«Ռեալն» ավարտեց ընթացիկ մրցաշրջանը երրորդ տեղում՝ ունենալով 68 միավոր (21 հաղթանակ, 5 ոչ-ոքի և 12 պարտություն): Ակումբը դուրս չի եկել Չեմպիոնների լիգայի և Իսպանիայի գավաթի եզրափակիչներ:

Սիրարփի Աղաբաբյան