Վալերի Օսիպյանը խուսափեց պատասխանել, թե ինչ հանձնարարական է իջեցվել ներքին ուժերին
ՀՀ ոստիկանապետ, գնդապետ Վալերի Օսիպյանը 168.am-ի հետ զրույցում ասաց, որ այսօր ողջ հանրապետությունով մեկ պիտի հսկեն իրավիճակը, որպեսզի հասարակական կարգը պահպանեն:
«Մենք, այո՛, ունենք այդ բավարար ռեսուրսներն ու հնարավորությունները, որպեսզի մեր աշխատանքը պատշաճ կերպով կատարենք»,- ասաց ՀՀ ոստիկանապետը՝ խուսափելով պատասխանել այլ հարցերի:
Վարչապետի հայտնի հայտարարության հետ կապված՝ ի՞նչ հանձնարարական է իջեցվել ոստիկանությանը, այդուհանդերձ, հետաքրքրվեցինք պարոն Օսիպյանից:
«Հասարակական կարգն ենք ապահովելու ամբողջ Հայստանում: Մնացած հարցերով, խնդրում եմ, դիմեք մեր լրատվական ծառայությանը»,- փոխանցեց ոստիկանապետը՝ խուսափելով պատասխանել այս և մյուս հարցին, թե որքանո՞վ է վարչապետի հայտարարությանը հետևող ոստիկանն իր գործողություններով հակասահմանադրական քայլեր անում, ինչպես նշում են մի շարք փորձագետներ:
Սյուզի Բադոյան
