Ողբերգական վթարի հետևանքով վարորդը մահացել է
Մայիսի 19-ին, ժամը 19:30-ին «911» ծառայությանը տեղեկություն է հաղորդվել, որ Մյասնիկյան-Դալարիկ ավտոճանապարհի 3-րդ կմ-ի հատվածում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Պարզվել է, որ բախվել են «Mercedes SLK» (վարորդ՝ Հ.Հ., ծնված 1988 թ.) և «ԳԱԶ-3110» (վարորդ՝ Ա.Մ., ծնված 1972 թ.) մակնիշների ավտոմեքենաները:
Մինչ փրկարարների՝ կանչի վայր հասնելը «Mercedes SLK» մակնիշի վարորդը և «ԳԱԶ-3110» մակնիշի ուղևորները` Հ.Կ.-ն (ծնված 1992 թ.) և Մ.Ս.-ն (ծնված 1984 թ.), հոսպիտալացվել են Արմավիրի ԲԿ: Բժշիկները տուժածների առողջական վիճակը գնահատել են բավարար:
Փրկարարները «ԳԱԶ-3110» մակնիշի ավտոմեքենայի վարորդին դուրս են բերել ավտոմեքենայից և մոտեցրել շտապօգնության ավտոմեքենային: Հոսպիտալացման ճանապարհին վարորդը մահացել է:
Փրկարարները հոսանքազրկել են ավտոմեքենաները և փակել «ԳԱԶ-3110» մակնիշի ավտոմեքենայի գազի բալոնի փականը:
