Քունսի «Ճագար» քանդակը 91,1 մլն դոլարով վաճառվել է Christie՚s-ի աճուրդում
Ամերիկացի նկարիչ Ջեֆ Քունսի «Ճագար» քանդակը 91,1 միլիոն դոլարով վաճառվել է Christie՚s-ի աճուրդում: Այս ցուցանիշը ռեկորդային է այժմ ապրող նկարչի համար: Այդ մասին հաղորդվում է Twitter-ում աճուրդային տան պաշտոնական էջում:
«Ջեֆ Քունսի «Ճագարը»՝ Նյուհաուսի հավաքածուից, վաճառվեց 91,075 միլիոն դոլարով եւ սահմանեց աճուրդների նոր համաշխարհային ռեկորդ ներկայում ապրող նկարչի համար»,- նշված է աճուրդային տան հաղորդագրության մեջ:
Սկզբնապես քանդակը գնահատվել էր 50 – 70 միլիոն դոլար: «Ճագար» քանդակը նկարիչն ստեղծել է 1986 թվականին: Այն պատրաստված է չժանգոտվող պողպատից, հաղորդել է ՏԱՍՍ գործակալությունը:
