Երևանի Ֆիրդուսու փողոցի տներից մեկում դի է հայտնաբերվել
Մայիսի 17-ին, ժամը 16:40-ին «911» ծառայությանն ահազանգ է ստացվել, որ Երևան քաղաքի Ֆիրդուսու փողոցի տներից մեկի դուռը փակ է, բնակիչը ներսում ընկած է․ անհրաժեշտ է փրկարարների օգնությունը։
Ըստ ԱԻՆ կայքի՝ դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են տան դուռը և մահճակալի վրա հայտնաբերել Ժ. Պ.-ի (ծնված 1947 թ.) դին։
