«Նախորդ տարի ՀՀ մուտք է գործել 80.000-ից ավելի տրանսպորտային միջոց». Արմեն Խաչատրյան
Տրանսպորտային միջոցների քանակի ավելացումն օբյեկտիվորեն բերում է ճանապարհատրանսպորտային պատահարների, խցանումների, երթևեկության մեջ բազմաթիվ խնդիրների առաջացման։ Անդրադառնալով ճանապարհային երթևեկության խնդիրներին՝ այս մասին լրագրողներին հայտնեց ԱԺ «Իմ քայլը» խմբակցության պատգամավոր, Ճանապարհային ոստիկանության պետի նախկին տեղակալ Արմեն Խաչատրյանը:
«Նախորդ տարի ՀՀ մուտք է գործել 80 հազարից ավելի տրանսպորտային միջոց։ Խնդրում եմ, պատկերացրեք՝ եթե 80 հազար տրանսպորտային միջոցը մի վայրում տեղավորենք, դա փոքր քաղաքի տարածք է»,- ասաց Խաչատրյանը՝ հավելելով, որ այս պահի դրությամբ այս տարի արդեն 40 հազարից ավելի տրանսպորտային միջոց է ներմուծվել ՀՀ։
Ճանապարհային ոստիկանության պետի նախկին տեղակալը տեղեկացրեց նաև, որ ներմուծումն ունի աճողական դինամիկա, իսկ դրա հիմնական պատճառներից մեկը հասարակական տրանսպորտի վատ աշխատանքն է։
Մանրամասները՝ տեսանյութում
Զարուհի Դիլանյան
