Երևանում ավտոբուսը դարձել է հետիոտնի մահվան պատճառ
Երևանի Հունան Ավետիսյան փողոցում մայիսի 16-ին դժբախտ պատահար է տեղի ունեցել: Նախնական տվյալներով, 8 համարի ավտոբուսը կանգառ է կատարել չնախատեսված վայրում: Ավտոբուսից դուրս եկած միջին տարիքի կինը փորձել է հատել փողոցը մեքենայի առջևով: Այդ պահին համընթաց երթևեկող 3 համարի ավտոբուսը հարվածել է փողոցը հետիոտն երթևեկության համար չնախատեսված հատվածով անցնող կնոջը: Հարվածի հետևանքով վերջինս մահացել է:
