Նեյմարը ՊՍԺ-ին խնդրել է գնել Կոուտինիոյին
«Բարսելոնայի» կիսապաշտպան Ֆիլիպե Կոուտինիոն ամառային տրանսֆերային պատուհանի ընթացքում կարող է համալրել ՊՍԺ-ի կազմը:
Ըստ Paris United-ի տեղեկությունների՝ Կոուտինիոյին ձեռք բերելու խնդրանքով փարիզեցիների ղեկավարներին է դիմել թիմի բրազիլացի հարձակվող Նեյմարը: Աղբյուրը հաղորդում է, որ հանուն աստղի՝ ՊՍԺ-ն պատրաստ է գնալ այդ քայլին: Տրանսֆերի հաջող ընթացքին կարող են նպաստել ֆրանսիական ակումբի և 26-ամյա ֆուտբոլիստի գործակալի լավ հարաբերությունները:
Ավելի վաղ հաղորդվել էր, որ «Բարսելոնան» դժգոհ է Կոուտինիոյի խաղից և մտադիր է ազատվել նրանից:
Պատրաստեց Անի Գաբուզյանը
