Զիդանը ցանկանում է իր որդուն դարձնել «Ռեալի» երկրորդ դարպասապահը
Ինչպես հաղորդում է Marca-ն, «Ռեալի» գլխավոր մարզիչ Զինեդին Զիդանը ցանկանում է իր որդուն՝ Լուկային, հաջորդ մրցաշրջանում դարձնել թիմի երկրորդ դարպասապահը Տիբո Կուրտուայից հետո: Նշվում է, որ ֆրանսիացի մասնագետը մեծ տարբերություն չի տեսնում իր որդու և ուկրաինացի դարպասապահ Անդրեյ Լունինի մակարդակների մեջ: Վերջինս ներկա պահին վարձակալական հիմունքներով հանդես է գալիս «Լեգանեսի» կազմում: Լունինը 6 հանդիպում է անցկացրել իսպանական ակումբի կազմում, 5 գնդակ է բաց թողել և երեք անգամ անառիկ է պահել դարպասները:
Հաղորդվում է, որ մադրիդյան ակումբի երկրորդ դարպասապահ Կեյլոր Նավասը, ամենայն հավանականությամբ, կհեռանա թիմից:
21-ամյա Լուկա Զիդանն այս մրցաշրջանում ընդամենը 1 խաղ է անցկացրել «Ռեալի» կազմում:
Պատրաստեց Անի Գաբուզյանը
